დაბრუნებისა და გაცვლის პოლიტიკა

ეს პოლიტიკა ვრცელდება https://rustavi.myjumanji.ge/-ის საშუალებით განხორციელებულ ონლაინ შეკვეთებზე. შეკვეთის დაბრუნებასა და გაცვლას უზრუნველყოფს შპს „ზოომაღაზია ჯუმანჯი“ (საიდენტიფიკაციო კოდი: 406498080).

1. დაბრუნებისა და გაცვლის ვადა

საქართველოს კანონმდებლობით გათვალისწინებული გამონაკლისების გარდა, მომხმარებელს შეუძლია ონლაინ შეკვეთაზე უარის თქმა ყოველგვარი მიზეზის მითითების გარეშე პროდუქტის მიღებიდან 14 კალენდარული დღის განმავლობაში.

დაბრუნების გადაწყვეტილების შესახებ შეტყობინების გაგზავნის შემდეგ პროდუქტი უნდა დაბრუნდეს დაუყოვნებლივ, მაგრამ არაუგვიანეს 7 კალენდარული დღისა. შესაბამისი არამოკლევადიანი პროდუქტის გაცვლის მოთხოვნაც მიიღება პროდუქტის მიღებიდან 14 კალენდარული დღის განმავლობაში.

2. დაბრუნების ან გაცვლის მოთხოვნის გაგზავნა

მოთხოვნის დასაფიქსირებლად გამოგვიგზავნეთ მკაფიო წერილობითი შეტყობინება იმავე ელექტრონული არხით, რომლითაც შეკვეთა განთავსდა, ან დაგვიკავშირდით ნომერზე +995 577 14 44 90. შეტყობინებაში მიუთითეთ მომხმარებლის სახელი, შეკვეთისა და მიღების თარიღები, დასაბრუნებელი პროდუქტი და დაბრუნების გადაწყვეტილება.

პროდუქტის დაბრუნებამდე დაგვიკავშირდით, რათა შეთანხმდეს მიღების დრო და, საჭიროების შემთხვევაში, გადაზიდვის დეტალები.

3. პროდუქტის მდგომარეობა

მომხმარებელს უფლება აქვს პროდუქტი შეამოწმოს მხოლოდ იმ ფარგლებში, რაც საჭიროა მისი ბუნების, მახასიათებლებისა და ფუნქციონირების დასადგენად. მომხმარებელი პასუხისმგებელია პროდუქტის ღირებულების შემცირებაზე, თუ პროდუქტი გამოყენებულია ამ ფარგლებს მიღმა.

შესაძლებლობის შემთხვევაში პროდუქტი უნდა დაბრუნდეს სრული კომპლექტაციით, აქსესუარებითა და შეფუთვით. შეფუთვის დაზიანება თავისთავად არ აუქმებს კანონით მინიჭებულ უფლებას, თუმცა პროდუქტის ზედმეტი გამოყენებით ან დაზიანებით გამოწვეული ღირებულების შემცირება შეიძლება გათვალისწინებულ იქნეს.

4. დაბრუნების უფლების გამონაკლისები

მიზეზის მითითების გარეშე დაბრუნების ან გაცვლის უფლება არ ვრცელდება კანონით განსაზღვრულ შემთხვევებზე, მათ შორის:

• მალფუჭებად პროდუქტზე ან პროდუქტზე, რომელსაც მოკლე ვარგისობის ვადა აქვს;
• სპეციალურ ფასად გაყიდულ მოკლევადიან პროდუქტზე, თუ საიტზე წინასწარ იყო მითითებული, რომ პროდუქტი მოკლევადიანია და მიღებისას დარჩენილი ვადა 14 დღეზე ნაკლებია;
• ჰერმეტულად დაცულ პროდუქტზე, თუ ჰერმეტულობა მიწოდების შემდეგ დაირღვა და მისი დაბრუნება ჯანმრთელობის ან ჰიგიენური ნორმების დაცვის გამო შეუძლებელია;
• ინდივიდუალური შეკვეთით დამზადებულ ან მომხმარებლის პირად საჭიროებებზე აშკარად მორგებულ პროდუქტზე;
• სხვა შემთხვევებზე, რომლებზეც მოქმედი კანონმდებლობა დაბრუნების უფლებას არ ავრცელებს.

ეს გამონაკლისები არ ზღუდავს მომხმარებლის უფლებებს, თუ პროდუქტი ნაკლიანი, შეკვეთისგან განსხვავებული ან საიტზე არასწორად აღწერილი აღმოჩნდა.

5. დაბრუნების ხარჯი

• თუ დაბრუნება მომხმარებლის გადაწყვეტილებით ხდება და პროდუქტი ნაკლიანი ან არასწორად მიწოდებული არ არის, პროდუქტის შესაბამის ფილიალში დაბრუნების პირდაპირ ხარჯს იხდის მომხმარებელი.
• თუ პროდუქტი ნაკლიანი, დაზიანებული, შეკვეთისგან განსხვავებული ან Jumanji-ის შეცდომით მიწოდებულია, დაბრუნების ან შეცვლისთვის აუცილებელ ხარჯს იხდის Jumanji.

6. თანხის დაბრუნება

ხელშეკრულებაზე უარის თქმის შემთხვევაში დაბრუნდება პროდუქტის საფასური და, არსებობის შემთხვევაში, თავდაპირველი სტანდარტული მიწოდებისთვის გადახდილი თანხა. მომხმარებლის მიერ არჩეული უფრო ძვირი, არასტანდარტული მიწოდების დამატებითი ღირებულება ანაზღაურებას არ ექვემდებარება.

თანხა დაბრუნდება დაბრუნების შესახებ შეტყობინების მიღებიდან არაუგვიანეს 14 კალენდარული დღისა, გადახდის იმავე საშუალებით, თუ მომხმარებელთან სხვა უსაფრთხო მეთოდი არ შეთანხმდა. Jumanji-ს შეუძლია თანხის დაბრუნება შეაჩეროს პროდუქტის მიღებამდე ან პროდუქტის გაგზავნის დამადასტურებელი დოკუმენტის მიღებამდე — იმის მიხედვით, რომელი უფრო ადრე მოხდება.

7. ნაკლიანი ან არასწორად მიწოდებული პროდუქტი

თუ პროდუქტი ნაკლიანი ან შეკვეთის პირობებთან შეუსაბამოა, მომხმარებელს შეუძლია მოქმედი კანონმდებლობის შესაბამისად მოითხოვოს პროდუქტის უსასყიდლოდ შეკეთება ან შეცვლა, ფასის შემცირება ან შესაბამის შემთხვევებში ხელშეკრულებიდან გასვლა. პროდუქტის შეცვლასა და შესაბამისობაში მოყვანასთან დაკავშირებულ აუცილებელ ხარჯებს იხდის Jumanji.

8. დაბრუნების ადგილი და საკონტაქტო ინფორმაცია

რუსთავის ფილიალი
დაბრუნების მისამართი: რუსთავი, მესხიშვილის ქუჩა 9
გამყიდველი: შპს „ზოომაღაზია ჯუმანჯი“
საიდენტიფიკაციო კოდი: 406498080
იურიდიული მისამართი: თბილისი, ვარკეთილი 3, II მიკრორაიონი, კორპუსი 5
ტელეფონი: +995 577 14 44 90

9. კანონით დაცული უფლებები

ეს პოლიტიკა არ ზღუდავს მომხმარებლის იმ უფლებებს, რომლებიც საქართველოს მოქმედი კანონმდებლობით სავალდებულოდ არის დაცული. პოლიტიკისა და სავალდებულო სამართლებრივი ნორმის განსხვავების შემთხვევაში უპირატესობა ენიჭება მოქმედ კანონმდებლობას.